ابتل طول عمري بنت!!

اول شي قسم بالله اني استهبل

ثاني شي شفتوا اللي يتطنز بالواحد وش يصير له

ثالث شي لاحد يسكّتني

رابع شي اللي مايعجبه الموضوع محد حلف عليه يرد...شي بقوله وقضيت وش تبون انت وياه هاه :029:

خامس شي قولوا علمانيه وقولوا ليبراليه في ابليس بس والله تراني مسلمه واصلي واصوم وكلش




ياناس مليت !

كل حياتنا بنات بنات بنات بنات

البيت بنات...الجامعه بنات...الاستراحه بنات..خالاتي بنات..اخواتي بنات(اجل تبينهم عيال )

بنات اخواتي بنات (نفس الشي )


مافي كلمات اسمعها غير..

وين شنطتي

وين لبسي

عندك بدي اسود

مالقيت ساعتي

ياربيه بنتي مالقيت لها شي للعيد

الدوريه الاربعاء عند مين

بروح اشقر

تعرفون مركز ليزر زين

والخ ..الخ..الخ

وبعدين؟؟

نبتل هذي سواليفنا؟


ياخي وش ذا نبي نطلع على عالم ثاني...نبي نغير حتسينا

ابي اسمع كلمات غير اللي قلتها..مثلا

وين مفتاح سيارتي

وين دبابي

تبون شي وانا راجعه

مليت ..بدور واجي

بسافر هالويكند انا والبنات <<

بزرق للبحرين مشتهيه اشوف الفلم الفلاني ..تقول امي روحي الله يحفظتس يابنيتي


وش ذا الغش .. لا لا .. نبي حريه نبي نبي

ولد الحكم نبي قسم اسمه حقوق المرأه ..يتبنى حالاتنا ...وندفع لكم شهريا


طيب شوفوا

من يومنا صغار وحنا نلعب سياكل مع عيال

طيب للحين مساواه..حلو

طيب وصلت للـ 18 وهو وصل للـ 18

يسوق هو وانا لا..لييييييييييييييييييييييييييييييييييه

الاسلام امر بالعدل ياجماعه

مايصير كذا والله


المهم...هو واحد من ثلاثه

يااني اسحب على البنات واصادق عيال <<تبطين

او اني اتخيل اني ولد <<برضو تبطين

او ابوي يصير اسمه عبدالرحمن روبنسون ويرتبط ذلك بالحصول على الحل الاول


عشان كذا يابنات

مالنا الا الصبر

وربي مايضيع حق احد " ان الله مع الصابرين"


وبس

هههههههههههههههههههه

اصبــــــــري يمكن يتغير شي بعدين..<<<بتبطين على قولتك..

هههههه

ان اللــــــــــــــه مع الصابرين..

ههههههههههههههااااااااااااااااااي والله كلام حلو من جد متى يجي اليوم اللي ااقول لبوي بزرق للبحرين يقول يحفظتس الله ياابنيتي ولاتنسين الحلاوة البحرينية واذا بغيتي فلوس ارسل لتس زود وتأكدي من كفرات السيارة والبنزين ياسلاااااااااااااام ههههههههههههههههه

موضوع رووووعة قمووووووورة